ــــــــــــــــــــــــ
لما جابوا سيرة البنات
اللى تعبت واللى قاست
واللى وسط النار تبات
وع المِحن بالصبر داست
قولت يامنه
اصلها زى الوتد
اه صحيح ست البنته
وف المقام بـــ ١٠٠ ولد
يامنه ساقية فيها سرك
عمرهاش فـ يوم تضرك
مهما تغدر او تخون
طينتها صبر وجلد
وفـ الحقيقة زى أمك
وان تعبت فـ يوم تضمك
حضنها عذوة وبلد
فـ الشدايد تلتقيها
كتف زاد ضهر وسند
يامنه نور بيهد ضلمة
عقلها ديماً بيعدل
عمرها ماكنتش ظالمة
رأيها للمايلة يعدل
مركب عقلها من زان
الحزن كان فيضان
وقلبها كان سد
يامنه بعون الله جبل
لابينحنى ولا بيتهد
يامنه ليل مليان نجوم
يامنه حمّالة هموم
يامنه غيمه للحبايب
ف يوم لهيبه الف وتّ
قلب يامنه زرع أخضر
رغم انها أرض بور
يامنه زارعة ارض غيرها
بالجناين والزهور
بترتجى م المولى ديماً
انها لرضاه تنول
يامنه اليمنى
