هذا ماحدث لعائشه غدر اقرب الناس وصحبه خانت الحلم
في لحظة كانت المفروض تبقى بداية تحقيق الحلم.. كادت تبقى لحظة ضياع العمر كله!
الطالبة عائشة – خريجة مدارس المتفوقين STEM العبور – اجتهدت ليل ونهار عشان تدخل كلية الطب، وفعلاً كتبت رغباتها من أولى طب لحد صيدلة ونامت مرتاحة.
لكن فجراً.. أقرب الناس ليها، صاحبتها لوجينا اللي كانت بايتة معاها، خانت العِشرة وسرقت البطاقة والرقم السري.. ومسحت كل رغبات الطب وكتبت بدلها “علوم
لكن “الضمير صاحى” متأخر.. لوجينا اعترفت لأهلها، وأبو وأمها بلغوا المدرسة اللي بلغت والد عائشة.
الأب جري من شبين القناطر لجامعة القاهرة يحاول ينقذ مستقبل بنته.. لكن كان خلاص الميعاد فات!
وفي آخر لحظة.. تدخل وزير التعليم العالي شخصياً وأنقذ الموقف ورجع الحق لعائشة ، ورجع الحلم من الضياع.
ليه لوجينا عملت كده؟
الإجابة بسيطة: نجاح عائشة وجعها.
فيه ناس مش لازم تظلمهم أو تأذيهم.. كفاية إنك تنجح قدامهم، ده في حد ذاته بيأذيهم!
هي دي النفوس المريضة يسرقوا تعبك ويكسروا مجاديفك ويشمتوا فيك أول ما يقع عليك غلطة.
ولو جاتلهم فرصة يدمروك.. هيعملوها بلا تردد.
والمصيبة إنهم قدامك بيضحكوا ويمثلوا إنهم أصحابك وأقرب الناس ليك.. لكن أول اختبار يكشف حقيقتهم.
“ربنا يكفينا شر مرض النفوس.. ويحمينا من الغدر اللي بييجي من أقرب الناس.”
الصورة لوالد عائشة وهوا بيحكي القصة في فيديو!!
