حاسب ياقلبي واوعى تميل
في يوم علي اي حد
مهما قالك ان حبك في قلبي ما لهشي حد
حاسب ياقلبي كل كلامي جد
تسدق اي حد
اوعاك تسدق اللي قالك
نفسي اسمع صوتك
ولا اللي قالك يقتلني عدم ردك او سكوتك
اوعاك تسدق
لو تميل ياقلبي مرة راح تهون
راح تشوف ان الحب والحنان وهم وظنون
راح تشوف اللمبه طافيه فيس ووتس
والخط مشغول او الشبكه مشغوله على طول
راح تسمع رساله مغلق اوخارج النطاق
اصل حبك اصبح لا يطاق
حتى اعجابها بكلامك راح يضيع
راح تشوف كل مقال لك بس من غير ليك او حتى شير
كل حب كان عشانك
فجاة هيركب جناح وطير
حاسب ياقلبي اوعاك تميل او تشيل
لما تلقى كل دمك راح يسيل
منك وتبقى قلبي العليل
اوعاك تميل
او تفكر ان حد معاك يشيل
تعرف إن أحب حبيب ياقلبي راح يقف يشوفك
راح تكمل ولا خلاص راح تميل
تعرف ياقلبي لو تميل
راح يشيل كل التقيل يرميه عليك
علشان يبقى قومك مستحيل
ويحس انه المنتصر وبسيف هواه خلالك عليل
واه لو وقفت
وقلت ابدا مش هميل
راح يوهمك بانك انت الحب المستحيل
بس سدقني ياقلبي لو تميل
انسى مدرسه الحب
وانسي انا مش هخاف المرة دي
وانسي كمان ياعين ياليل
وافتكر بس غلطه
وهاني ندمان عليها قبل الحب المستحيل
اسمع ياقلبي وارجوك اوعاك تميل
وتقول حبيبتي وعليها هتسند
هتلاقي نفسك مسنود على الخيال
او على حيطه مرسومه على الرمال
او على الهواء والبخت مال اوعاك تميل
انا اسف لك بجد
انا اللي قلت لك
الحب دة شيء جميل
اسف لاني شرحت لك
ان السند حبيب
وان الحبيب هوا الوفاء والاحتواء
اسف لاني قلت لك ياريت تحب
ويارت تدب فيك كل الحياة
ياريت انا سيبتك تموت
كنت في سكون كنت في سكوت
كنت في حاله ثبات زي اللي مات
بس عايش
بدون عشم ولا حجات
الان خلاص
الوقت فات واللي حياك
هوا اللي قال
القلب دة اساسه مات
ورماك وراه
وقال عليك مال وانتهي
منا قلت لك بلاش تميل
سدقتني
