مساء الصحة والعافية مساء الخير على القارئيين
على القاعدين وعلى الواقفين وعلى الراكبين والماشئين
مساء الخير ياعم احمد مساء الخير ياأم حسين
مساء الخير ياريسنا مساء الحب بالفدادين
أمام بيتنا في ناس عايشين حداهم طين بالفدادين
وزع وغيط وسطح البيت عليه من الزلع تنتين
قولت في يوم اروح وامشي علي الترعة
وأشوف المية والزرعة وأشوف غنام ماشي بيرعى
وأشوف حالي وحال الناس وعم حسين
لقيته زارع شبت اخضر وبقدونس وكثبرة لونها مورور
سلام عليكم ياعم حسين كيف حالك؟
ايه مالك ؟
بصوت مخنوق قالي تعبت ومن كتر الهموم أنا شيبت
لاحول الله ياعم حسين ليه قولي؟
قال الغلا فاحش والعيشه خلاص ما تلزش .
وانا وياه لقيت الحاجه سعديه جايه وجايبه شمسية وجايه الغيط بتتمشي
وعكازها عصا مقشة
وعلينا وراحت هله وشها كالبدر وليه طله سبحان الله
وقالت ياواد ياحسين عايزة خضرة المحشي عشان هحشي لأبوك مسعود
رد حسين وقال عيني
فنجان من فنجان من فناجيني بتاع القهوة دة بالظبط حش وحط في أديها
قالت له بكام ؟
قال عشرة جنيه الحجه سعديه
قالت حسرة ليه شارب بنزين ولا شارب ميه
ضحكت بجد من قلبي ضحكه شديدة وقويه
ما قدرت امسك نفسي حتي وقعت في الميه
حسين قالي بتضحك ليه ؟
قلت عشان كلمها صح وصحصح اللي جوايا
لية غليت انت الخضرة دي على الناس
مع انها فعلا بتشرب ميه مش بنزين ولا جاز
وليه ياحسين تخلي الناس تقول كله من الريس
وانت لسه بتشكيلي من الغلا الفاحش
طب قولي ليه غليت ؟
رد وقالي مين غلا ازازة الزيت والسكر؟
أنا رديت وقلت تاجر جشع ذيك لم السلعه دي من السوق وعطشها عشان تغلا وتاجر تاني متسلط عليك ياعم
وتاجر كلام بيملا حياة الشعب دة بالغم عشان ييئس
ودائما يسودها عليك بالهم
وانت ساعدته وسدقته وخليتو حياتنا كرب وهم
يا راجل خلي عندك دم
بص وشوف بلدك فين جيشك فين
احنا كنا محتلين
وجه اللي يحررنا وأقسم لبر امان يوصلنا
وغيرة اقسم يكسرنا يدمرنا يرهبنا ويرعبنا
ويقتلنا ويغتالنا
وجيشك ضحى من اجلك بخيرة الناس
جنود وضباط راحت عشان احنا نعيش وخلاص
سمعت عن الشهيد منسي وزوجته واولادة سمعت عن الشهيد خالد مغربي
الشهير بدبابه
ساب عزوته وعيلته عشان ناس بسطا وغلابه
سمعت عن أسطول من الشهداء
من الشرطة ومن الجيش الشرفاء
في عز المعركه كانو عطشا لحريه
من الاشرار وتعابين في الجحور
جاية على بلادهم
تخرب فيها وتدمر
وإرهاب فكري في رؤسهم متجذر
شهدائنا وابطالنا قابلوهم بالصدور عاريه
وصدو فكرهم الاغبر
وعملو درع لبلادك وكنت انت لسه واد ورور
وكبرت الان وبقيت مخنوق
من قليل الدين قليل الزوق
اللي عكر فكرك الصافي
وقالت أننا في ازمه ودين وخراب
هوا كده عايزك واقف جنب الباب
ما تتقدم بس بكرة راح تندم
عشان سدقت كل خاين وكل جبان
وبكرة مصر راح تنهض بلا اخوان
ومصر بكرة مقبرة لكل خاين وخسيس وجبان
اقولك غلي سعر الشبت غلي
بكرة مصر ما هتخلي كل اللي استغلوها
في وقت الضعف والازمه
وحبك ليها ايه هوا
مادمت انت تمشي ورا ولاد الجزمه
قولي كيف هنبنيها
وهما متربصين ليها
وانت بجهلك تسدقهم وتنقل كل اشاعاتهم
وفجاه لقيت الحاجه سعديه صرخت
وقالت سلم لسانك يابني وحبيبي ضي نوري وعنيه ابني الوحيد ضابط شهيد
ضحى عشانك يابهيه
سلم لسانك يابني
فعلا بلدي وحبيبتي مصر ام الدنيا وهتبقى اد الدنيا
