في وسط زحمة الأيام، وإحنا بنجري ورا لقمة العيش، ورا الأحلام، ورا إثبات نفسنا، بننسى حقيقة بسيطة جدًا……..
إن في حاجات مهما كانت جميلة وقوية، مصيرها تروح. ومن أهم الحاجات دي: الشباب والقوة……..
الشباب مش بس سن صغير، ده إحساس… إحساس إنك قادر تعمل كل حاجة، تسهر، تشتغل، تحلم، وتقع وتقوم من غير ما تتأثر كتير………….
هو المرحلة اللي بتبقى مليانة طاقة، حماس، واندفاع. بس المشكلة إننا في الوقت ده بنفتكر إن الإحساس ده هيستمر، وإننا دايمًا هنفضل بنفس القوة والقدرة…………
لكن الحقيقة غير كده خالص… الأيام بتمشي بهدوء، من غير صوت، من غير إنذار، لحد ما تلاقي نفسك بتبص لورا وتقول………….“هو الوقت جري إمتى؟”………
……كم شاب ضيع وقته في حاجات مالهاش قيمة؟……..
…….كم واحد كان يقدر يغيّر حياته بس اختار التأجيل؟…..
…..“بكرة هبدأ”… “لما أفضى”… “لسه قدامي وقت”……
جمل بنقولها كتير، لكن في الآخر اللي بيروح مش بيرجع…
أما القوة… فدي مش بس قوة جسم، دي كمان قوة موقف، قوة شخصية، قوة تأثير. ممكن تبقى قوي بفلوسك، بشغلك، بمكانتك، أو حتى بصحتك……….
لكن برضه، مفيش قوة بتدوم النهارده ممكن تكون في قمة نجاحك، والناس كلها حواليك، وبكرة ممكن الدنيا تتغير، وتلاقي نفسك محتاج نفس الناس اللي كنت فاكر إنك مش محتاجهم…………..
النهارده بتجري من غير تعب، وبكرة ممكن خطوة واحدة تبقى تقيلة عليك………..
النهارده صوتك عالي ومسموع، وبكرة ممكن تسكت غصب عنك………..
مش الهدف من الكلام ده إننا نقلق أو نخاف، لكن الهدف إننا نصحى………
نصحى قبل ما الوقت يعدي من غير ما ناخد بالنا الشباب فرصة مش بتتعوض، والقوة أمانة لازم تتستخدم صح مش معنى إنك قوي إنك تظلم، ولا معنى إنك شاب إنك تضيع وقتك………..
استغل شبابك إنك تتعلم حاجة تفيدك تبني مستقبلك خطوة خطوة تقف جنب غيرك وتساعد اللي محتاج……….
…تقرب من ربنا قبل ما تقول “يا ريتني كنت بدأت بدري….
لأن في يوم من الأيام، هتتمنى ترجع لحظة من اللحظات دي، حتى لو كانت عادية جدًا………
اعمل اللي عليك، وسيب أثر كويس، لأن اللي بيفضل مش شكلنا ولا قوتنا… اللي بيفضل هو سيرتنا……..
وختاما افتكر إن: الشباب مش هيدوم… والقوة مش هتفضل
لكن الإنسان اللي استغل الاتنين صح، هو اللي فعلاً كسب………
يمكن الحياة بتاخد مننا حاجات مع الوقت، لكن في المقابل بتدينا حكمة لو فهمناها صح. والشاطر مش اللي يفضل قوي طول عمره، لكن اللي يعرف يستخدم قوته في الوقت الصح، ويزرع في شبابه حاجة تفضل بعد ما هو نفسه يكبر……..
ما تضيعش أيامك وإنت فاكر إنك لسه بدري… لأن اللي راح من عمرك، هو أغلى من أي حاجة ممكن تيجي بعد كده……….
