ـــــــــــــــــــــــــــــــــــ
وصلنا لنهاية الطريق
والعمر أوشك ع النفاد
ونقشنا ياما ذكريات
فى محطة الزمن اللى فات
بس الحنين سايب براح
فى القلب منك ينتقم
ويقتل الروح بالبطئ
وما عدت أطيق
المح خيالك ف المنام
ده حلمنا
كان كدبة محبوكة بضمير
واللى رماك ف سكتى
هو القدر
قلبى انا تلميذ بليد
عاجز يلملم منهجه
فارش جراحه ع الرصيف
يصرخ ك طفل
مش لاقى حد يهَدْهَده
لملم جراحك يافتى
واترجى م الألم المرير
يفك أسر الأورده
حلمك ازاز
أقل صدمة تدشدشه
والقيد سلاسل من فولاز
والصمت تعلى انته
والغدر فاز
والقلب يشحت فرحته
من ليل حزين فرحه نشاذ
فين ضحكته
ليه غايبه م البرواز
بقيت خلاص مسلوب حياة
ووجودى حبر على الورق
واطوى بإيدى الأمنيات
واجمع فى عمرى اللى اتسرق
طبعاً أكيد ليك النتايج مٌرضيه
فكّر كده
كام مره عشتك يا أنا
احساس وجع من غير ضمان
كام مره هانت دمعتى
والعمر عبيته بـ ظلام
موّت جوايا الأمان
حبل الواداد اللى مابينا
أصبح عتت
كنت أقرب م القريب
بإديك كتبت غربتك
جوه القٌليب
صوت الألم
خلانى افوق من غفلتى
وبقيت خلاص بستغربك
لملم اثار العشق وابعد من هنا
كل الحروف فوق الورق متبعترة
حتى الأسامى ع اللسان متلعثمة
والقلب ماشى ف منحنى
ضل الطريق والعمر خاف
خلى مابين الشوق ومابينا
خيط شفاف
يمكن الدنيا تصالحنا
وتقابلنا
فرحة فى نهاية المطاف
يامنه اليمنى
