تعلّمت كيف بتطلع الروح
من دفات الصدر
ودقّت طَعم الغربة
بقلب الوطن والهجر
عرفت كيف بيكون سفر
السيف بالضهر
بس اللي ما عرفته
الحِقد والكره
وزرع القهر
قدرت راقِب
وانسج الهجر
ناشف ريقي يا وَلَد
تعلّمت صوم عنك
وعن ريقك… العُمر
ما عاد شوفك بيسر
ولا وصلك فيه جَبر
عالجبَل واقفة لوح
لوطن بسمات
وروح
وعبق عِطر
قلّتله: خليك، ما تروح
قاللي: ولك يا هَبلة
سفري مستحيل
بس ولادي زرعوا بأرضي
العدو
والعِهر
يمكن شي جيل
يرش بذور المحبة والسلام
ويعمّر أرضِك
من بعد كل هالعُسر
يا بنتي
لكل برد… نار
ولكل دِفى… موئدة
ولكل عِطر لو فاح
زهرة… مسعدة
يا بيّي
قاعدة
ومش رايحة
هون بيتي
وهون عطري
والزهر
بقلمي صفاء بلهوان
