أنا مهما روحت وجيت
و دُورت أولفيت
مش هلقى غيرٍك بيت
على أرضك إتربيت
وف حضنك اتدفيت
وبقالى عزوة وبيت
من نيلك اتوضيت
وف المقام صليت
ورفعت إيدى دعيت
وأكلت خير الغيط
من طينك اتحنيت
يا جميله مهما رَإِيت
وف عِشقك إتشديت
وبحبك استكفيت
على رملتك عديت
وكبرت انا وخطيت
وفرشت واتغطيت
وأمَنت ما اتخضيت
مدد يا رب البيت
رفعتها وعَلِيت
وبذكرها اختصيت
وبنصرها اتوليت
إحفظها يا رحمن
بحق أهل البيت
وارفع رايتها كمان
يا رب انا اترجيت
حقق لى ما اتمنيت
ثم إن
باختصار
وقت الجد مفيش هزار
مصر قويه وباقتدار
مهما غريمها صاح وثار
مصر جاهزه ف أى وقت
وعارفه ازاى تاخد قرار
مصر هتولعها نار
وجيشها صاحى ليل نهار
مصر بلدى نور ونار
نور تنور نار تدمر لو دمار
باختصار
مصر قلب نابت بالخضار
والأمان ف كل دار
واللى هيحدف مصر طوبه
هنرمى عليه بارود ونار
مصر مش هتنام ف ليل
إلا وغزه بَقِت عمار
مصر مهمهاش قيود
مصر موقفهاش حصار
مصر قويه وباقتدار
بقلم خيرى ناصف
