كتير مننا وهو ماشي في طريق حياته، يبص حواليه ويقارن. ده اشترى بيت، ودي فتحت مشروع، وده سافر، وده نجح بسرعة………
وساعتها يدخل القلب إحساس غريب اسمه “هو أنا متأخر ليه؟”. لكن الحقيقة اللي محتاجين نفتكرها دايمًا: مافيش منافسة في الرزق………..
الرزق مش سباق جري، ولا مسابقة أوائل. الرزق مكتوب، ومتقسم بعدل ربنا…………..
اللي ليك هيجيلك، ولو الدنيا كلها حاولت تمنعه عنك مش هتقدر. واللي مش ليك، حتى لو مسكته بإيدك، مش هيفضل معاك…………
إحنا أحيانا بنختصر الرزق في الفلوس وبس، لكن الرزق أوسع من كده بكتير. رزق في الصحة، في راحة البال، في أولاد صالحين…………….
في ناس بتحبك بصدق، في سمعة طيبة بين الناس. ممكن واحد معاه مال كتير لكن قلبه قلقان، وواحد دخله بسيط لكن عايش مطمئن ومبسوط………….
……….. مين فيهم أغنى فعلًا؟…………
المشكلة إن المقارنة بتتعب القلب. لما تبص في رزق غيرك أكتر ما تبص في نعمك، تحس إنك ناقص………….
مع إن الحقيقة إن كل واحد واخد نصيبه بطريقته ووقته. في ناس رزقها بيجي بدري، وناس بيجي متأخر……………
لكن لما يجي في وقته المناسب، تحمد ربنا إنه اتأخر…………
كمان لازم نفهم إن سعيك مطلوب، لكن القلق الزايد مش مطلوب. اشتغل، اجتهد، اطلب، لكن وإنت مطمئن إن ربنا مش ناسيك……………
رزقك مش هيضيع، ومش هيروح لغيرك بالغلط. مافيش حد بياخد مكان حد في الأرزاق…………..
خلي قلبك مرتاح، واشتغل على نفسك، وركز في طريقك إنت. لأن لما تبقى مشغول ببناء حياتك، مش هتلاقي وقت تبص على حياة غيرك………….
وكل ما تشكر ربنا على اللي في إيدك، يفتح لك أبواب ماكنتش تتخيلها…………
وختاما الحياة مش منافسة على مين معاه أكتر، لكنها رحلة رضا. واللي راضي، هو أكتر واحد كسبان………..
..اطمئن رزقك يعرف عنوانك جيدًا، فلا ترهق قلبك بالمقارنة..
