عاش في الدنيا وحيد كان يتمني خلان
كانت دموعه تفيض من الوحده والحرمان
ولا حد حاسس بيه ولا حد كان همه
كان الوجع ضمه ولا حس يوم بأمان
كان حلمه يلقا حبيب مرة عليه يطُل
الحزن منه قريب وكان يوماتي يطُل
فجأه فارق الحياة وراح معاه الحلم
لكن صحيح للعلم أصبح حبيب الكل
في الدنيا كان عايش ولا حد حاسس بيه
ولما راح وفارق كله بيبكي عليه
آه يادنيا فيكي العجب ياظالمة ياقاسيه
طب كنتي ليه ناسية ولا خدتي يوم بإيديه
بنخاصم بعض وبنجرح ونزود في الهموم
ونمنع روحنا تفرح وبنبعد كل يوم
ولما يفارق حد ويمشي نصرخ نبكي
وعنه بنحكي لكن خلاص ملوش لزوم
زكيه فيصل
تعليق واحد على “《 ملوش لزوم 》”
كل التحايا والورد وعبق الياسمين