في كل جيل بنلاقي بعض الشباب اللي فاكرين إن الرجولة إنهم يضحكوا على البنات ويستغلوا مشاعرهم. يبتدي الموضوع بكلام حلو ووعود كاذبة، والبنت تصدّق لأنها بطبيعتها طيبة وبتحب بصدق. وفي الآخر، ينتهي الموضوع بجرح كبير للبنت، وفرحة مؤقتة للشاب، لكنها فرحة كاذبة عمرها قصير.
يا شباب، الرجولة مش إنك تجرح قلب بنت صدقتك، ولا إنك تضحك على عواطفها. الرجولة الحقيقية إنك تكون صادق، وإن كلامك يبقى أفعال مش مجرد وعود و البنت مش لعبة، ولا قلبها شيء سهل ينكسر ويتصلح تاني.
يمكن تفتكر إنك كسبت، لكن الحقيقة إنك خسرت احترامك، وخسرت إنك تبقى قدوة. صدّقني الزمن بيدور،وممكن تلاقي نفسك في نفس الموقف اللي جرحت فيه غيرك وخلي بالك ممكن تكون بنتك او اختك او زوجتك مكانها.
وللبنات كمان كلمة: ما تصدقيش كل كلام حلو، وخلي ثقتك بنفسك قبل أي حد. الحب مش بالكلام، الحب أفعال ومسؤولية.
