بقلم: الشاعر سيد البالوي
احنا الجيل اللي اتعلمنا
من أكتوبر
إنا ولاد وبنات أبطال
وإن المصري مهما حيحصل
قادر يهزم أي محال
وإن اليأس انزاح واتكسر
يوم ما عبرنا فوق بارليف
يوم ما رفعنا علمنا وكبر
كل جنودنا بأسم الله
احنا الجيل اللي اتمناه
جيل أكتوبر يعيش من بعده
يحقق وعده لعبور تاني
بس عبور النور للنور
جيل بيعلم كل الدنيا
إن المصري مهوش مكسور
وإن المصري باني الماضي
وباني الحاضر والمستقبل
وصاحب علم وجاه وحضور
احنا الجيل اللي ما شاف نكسة
ولا شفنا غير كل عمار
استقرار وأمان وبحكمة
قالها قائدنا احنا نجحنا
احنا الجيل اللي يعيش محنة
لكن قادر عالاخطار
