( ماتأجِِّلش )
ماتأجِِّلش كلام لو حلو وقولُه بجد
وإوعاك مرة في يوم تتردد يعني تقولُه
أصل الدنيا مابتأجِّلش غياااااب حد
واللي يأجّل ممكن يندم عمره بطولُه
كل كلام جواك صدّقني ونِفسك فيه
قولُه أوام وإوعاك تستنى أو تخبّيه
جايز يعني اللي بيستنظر منك كلمة
تصحى في يوم وتفتّح عينك مش تلاقيه
قوللي ساعتها هيبقى احساسك إيه وإزاي
لمّا هتعرف إنه بجد رايح مش جاي
وإنه خلاص بقى بينه وبينك ييجي مية سد
ماتأجِِّلش كلام لو حلو وقولُه بجد
شوف كام مرة حاولت تقول وفضِلت تفكّر
كل ما تيجي تقول في كلام تتردد أكتر
لو يوم خايف يعني في يوم من رد الفعل
لا صدّقني سكوتك ده فعلاً هيأثّر
إفهم مني كلامي بجد وخلّيك عارف
لازم تبقى جرئ لو مرة بجد وجازف
حاول تظهر إنك دايماً إنت الأقوى
وإوعاك حد يشوفك مرة ضعيف أو خايف
تعليق واحد على “( ماتأجِِّلش )”
تحياتي واضاميم الورد