بقلم /نهي احمد مصطفي
الدنيا ما هي إلا رحلة قصيرة، مهما طالت سنينها فهي في النهاية أيام بتمشي بسرعة. فيها الفرح وفيها الحزن، فيها المكسب والخسارة، لكن اللي يفرق هو إزاي إحنا بنعيشها.
الدنيا مش دايمًا وردية، ساعات بتعلمنا بدروس صعبة، وساعات تفرحنا بلحظات ما تتعوضش. المهم إننا نرضى ونستمتع بكل لحظة حلوة ونعدّي من الصعاب بقوة وصبر.
الحياة أجمل لما نعيشها ببساطة، لما نحب اللي حوالينا، ونساعد غيرنا، ونضحك من قلبنا. مش محتاجة تعقيد ولا زعل على اللي راح، لأن كل يوم جديد فرصة نبدأ من أول وجديد.
الدنيا مش بتستاهل نزعل طول الوقت، ولا نحقد ولا نغار. كل واحد ليه رزقه وليه نصيبه، والأجمل إننا نعيش بالرضا ونفرح باللي عندنا.
وفي الآخر، الدنيا زي الكتاب.. صفحاته بتتقلب بسرعة، لكن اللي بيبقى فعلاً هو أثرنا الطيب وكلمة الخير اللي نقولها، وابتسامة نرسمها على وشوش غيرنا
