زرع و حصاد
——–
بقلمي السيد عطاالله
يا عم ياللي ما بتزرع
إزاي مستني الحصاد
دا الواحد لما يزرع
يضع لزرعته السماد
يرويها من عرقه
مثل من يزود عن البلاد
بطل مغوار يكمل مشوار
فدائي في ميدان الجهاد
لكل مجتهد نصيب
ربك يحقق لك مراد
لازم تشقى و تتعب
في عملك تبقى جاد
علشان تاكل و تشرب
يرزقك رب العباد
شمر يلا عن السواعد
الفارس يلزمه الجياد
ما ترزق و أنت قاعد
رزقك ما يأتي بالحداد
خلي عندك إحساس
ما تبقى مثل الجماد
دوماً عنوانك التوكل
هو سلاحك هو العماد
قوم يلا و تسهل
خلي إيدك على الزناد
الأمل خليه سفينة
أما التقوى أحلى زاد
خلي الإيمان مينا
خليك له من العواد
خلاص كده إستبينا
مع التكاسل نلزم حياد
كلمات السيد عطاالله.
