بيقولوا على الدموع
مطر
يبقى عيونهم سماء
وبياض العين سحاب
والسواد اكيد مش تراب
وبسمتك هي القمر
والشمس تبقى في طلتك
والنجوم بتظهر
فى سكتك
يا حلم طال ليه الانتظار
وعشقي لك مش قرار
والنهار غير النهار
وضحكتك نور ونار
والقرب منك اختبار
بيقولوا صعبه سكتك
والورود هي صاحبتك
والاشواك بعد خطوتك
ترويها دموع المجروحين
بضحكتك
انا الفقير يا اميره
في قصتك
وانت الاميره بنت الامير
في قصتي
ما بقاش في
الشاطر حسن في دنيتي
ولا في وفاء في محبتي
كل الامور يا اميره تغيرت
والحب بقى رصيد وفيلا
والعربيه مكانها الرومانسيه
والانسان بقى الضحيه
ولسه بيقولوا على
الدموع مطر
