القلوب النضيفه بتتوجع بس عمرها ما بتتسخ

في زمن كله جري ومظاهر بقت القلوب النضيفه هي أكتر قلوب موجوعه والناس اللي نيتها صافيه هي أكتر ناس بتتاخد على قد طيبتها تلاقي الواحد فيهم داخل في أي علاقه بنية سليمه بيحب بصدق بيساعد بضمير بيقف وقت الشده وبيقول الخير بيرجع خير بس الواقع بيوريله إن مش كل الناس زيه اللي ياخد خيره ينساه واللي كان بيمد إيده له في الشده أول ما يقف على رجله يبعد كأنه عمره ما شافه القلوب النضيفه دي يا صاحبي مش بتتخلق كتير دي منحه من ربنا ناس قلبها فيه رحمة فيه حنيه فيها إحساس ناس مش بتعرف تأذي حتى لو اتأذت بس للأسف الدنيا دي مش راحمه والناس بقت تفتكر الطيب ضعيف والهادي ساذج واللي بيسامح كتير كأنه غبي بس والله مش غبي ده أذكى واحد لأنه فاهم إن عمر الشر ما كان طريق راحه وإن اللي بيظلم النهارده هيتظلم بكره فبيسيبها لربنا وهو مطمن القلوب النضيفه دي ممكن تتكسر بس عمرها ما تتسخ ممكن تتوجع بس عمرها ما تكره ممكن تبعد بس عمرها ما تنسى المعروف حتى لو اللي عمل معاها الخير بعدها نسيها ودي قوه مش أي حد يعرف يحتفظ بيها قوه إنك تفضل طيب في عالم كله وجع تلاقيهم بالليل بيكلموا نفسهم بيقولوا أنا غلطت إني كنت صادق أنا غلطت لما حبيت من قلبي بس بيرجعوا يقولوا ما دام قلبي نضيف يبقى أنا اللي كسبان بيعيشوا مكسورين من جوا بس مبتسمين عشان ميكسرواش غيرهم بيشيلوا وجعهم في صمت وبيكملوا كأنهم تمام رغم إنهم من جواهم بيغرقوا في تعب الناس اللي قلوبها نضيفه مش بتعرف تمثل لو زعلت باين ولو فرحت باين ولو اتوجعت تحاول تخبي بس العيون بتفضح عندهم دمعة سهل تنزل بس عمرها ما كانت ضعف دي بس قلب حساس شاف أكتر من طاقته تخيل كده قلب دايما بيحاول يلاقي الخير في الناس وفي الآخر كل مرة يخيب ظنه ومع ذلك لسه بيدور على النيه الحلوه في اللي حواليه ده مش غباء ده نقاء والنقاء في الزمن ده بقى نادر لأن الناس بقت بتقيس كل حاجه بالمصلحه بالمنفعة حتى المشاعر بقت بالوزن والسعر بس القلب النضيف عمره ما اتعلم الغدر ولا عرف يكره ولا قدر يرد الأذى بأذى هو بيقول لنفسه سيبها للي خلقني هو أدرى بكل حاجه والله فعلا ربنا عمره ما بينسى الطيبين يمكن الدنيا تظلمهم شويه بس الفرج بيجي في وقته والرضا بيملا قلوبهم بعد الصبر الطويل في يوم من الأيام اللي أذاهم هيقابل وجع زيه بس الفرق إن الطيب هيكون نسي وجعه وسامح واللي ظلم هيكون لسه بيتمنى غفران من حد كان صادق معاه لأن ربنا عادل والقلوب النضيفه دايما بتتعوض يمكن مش في الناس لكن في راحة البال في الدعوة اللي تتقبل في رزق ييجي من غير حساب في فرحه تطلع من مكان مش متوقع خلي بالك يا صاحبي متحاولش تغير قلبك عشان الناس سيبك منهم سيبك من اللي استغل ومن اللي وجع ومن اللي خذلك لأنك لو بقيت زيهم هتخسر نفسك خليك نضيف زي ما أنت حتى لو الكل بقى وسخ خليك حنين حتى لو محدش بيقدر خليك صادق حتى لو الصراحه وجعتك القلوب النضيفه هي اللي بتفضل منوره حتى بعد ما كل النور يطفي هي اللي بتدي طاقه للناس وهي تعبانه وهي اللي بتخاف على الكل وتنسي نفسها وربنا عمره ما بينسى حد قلبه نضيف حتى لو الناس كلها نسيته وفي آخر السكه لما الزمن يدور هتلاقي اللي خان ندم واللي وجع اعتذر بس خلاص الطيب هيكون سابهم وراح في حته تانيه في سلامه في راحته في رضا ربنا عنه لأن اللي حافظ قلبه ربنا بيحافظ عليه واللي نوى خير ربنا بيكافئه بخير فخليك زي ما أنت قلبك زي الميه النقيه حتى لو الدنيا كلها تراب يمكن تتوجع النهارده يمكن تبكي بكره بس بعد بكره هتضحك من قلبك وهتقول كان وجعي مش خساره ده كان طريق الطهر اللي خلاني أكون أنا