كلمات زكيه فيصل
التوبة بابها مبيتقفلش إرجع إنت وقول يارب
كل ماهترجع هتلاقي الشيطان معاك في حرب
بس إنت أقوي من الشيطان إنت شجاع مش جبان
إستعن بالله وتوب قول يارب إصلح القلب
قول يارب أنا الضعيف وإنت القوي
ردني إليك يارب وإجعلني علي الصراط المستقيم أستوي
ماليش غيرك يارب دليل إجعل قلبي للتقوي يميل
يارب إهديني وإرضيني وقلبي برضاك يرتوي
ربنا رحيم غفور إخلص التوبه وفوق
كلنا بنذنب أكيد بس المهم إننا نقوق
نراجع نفسنا ونتوب من المعاصي والذنوب
الطاعة راحة بال وقلب مطمن هتحس بحلاوتها لما تدوق
متنطفيش
متنطفيش شمسك هتشرق من جديد
سيب باب الأمل مفتوح شمعته راح تقيد
إوعي
إوعي تستسلم لخوف إوعي ليأسك تنحني
بكرة هيجي الخير معاه وإنت هتبدأ من جديد
زكيه فيصل
