رفعت الجلسه والوجع كان الحكم

رفعت الجلسه خلاص لا فاضل فيها مرافعات ولا شهود ولا حتى دفاع عن وجع قلبي اللي اتحاكم ظلم أنا المتهم الوحيد والمجني عليه في نفس الوقت الوجع وقف قدامي ماسك الميكروفون بيقول لي كفاية يا صاحبي كفاية تبرر حبك لناس ما تستحقهوش وانا واقف مش قادر أرد كل الكلام اتبلع جوه صدري كأن صوتي اتحبس في دمعة ما نزلتش كنت فاكر إن الدنيا هتطبطب وإن اللي بحبهم هيفضلوا في ضهري بس لقيت اللى كنت شايفه سند طلع أول من زقني الصحاب كلمة كبيرة اتقالت في زمن صغير اللي كنت فاكره أخ طلع بيحسبها بمكسب وخسارة واللي كنت بسنده أول ما وقعت سابني أتعافر لوحدي وطلع هو أول شاهد زور على وجعي كنت دايما أقول اللي بيحب ما بيغدرش بس اتعلمت إن الغدر ساعات بيجي في شكل ابتسامة يضحك في وشك وهو ماسك في إيده خنجر الكلام يطبطب بإيده ويغرز التانية في قلبك الوجع مش بس من الحبيب الوجع الحقيقي من اللي كنت شايفه بيتك وسندك ولما احتجته لقيت الباب مقفول في وشك والمفتاح في إيده كنت بحب بصدق بحب بضمير مش بلعب مش بجامل مش بخون كنت لما أدي أدي من قلبي لما أوعد أفي بس الظاهر إن الصدق بقى عملة نادرة واللي يدي من قلبه بيتقال عليه ساذج وأنا يمكن كنت الساذج اللي صدق إن الحب لسه ليه معنى وإن الصحاب لسه ليهم أصل بس لا الظاهر إن الأصل اتدفن من زمان رفعت الجلسه لما اتكسر جوايا آخر حتة أمل رفعت الجلسه لما بقيت أبص لنفسي في المراية ومش عارفني عيوني بقت تحكي حكايات بس من غير صوت بقت نظرتي تقول كفاية وأنا ساكت ساكت من كتر ما اتوجعت ومن كتر ما مفيش فايدة في الكلام كل اللي حصل ده علمني بس التعليم غالي علمني إن الحب مش دايم وإن الصحوبية مش دايمه وإن حتى القرب ساعات مؤقت علمني إن اللي يضحك معاك النهارده ممكن يضحك عليك بكرة وإن اللي تقول عليه ده أنا هو نفسه اللي ممكن يبيعك بأول فرصة أنا دلوقتي ما عدتش بعاتب ولا بزعل ولا بستنى من حد كلمة حلوة بقيت أسيب اللي يمشي يمشي واللي يبعد الله يسهل له تعبت أشرح وتعبت أفهم وتعبت أوجع حتى قلبي اللي كان زمان دايما في حضن الناس بقى دلوقتي واقف في عز البرد لوحده متغطي بالوجع الليل بقى صاحبي بيقعد يسمعني وأنا ساكت بيطبطب علي من غير كلام الهدوء بقى اللغة الوحيدة اللي بفهمها بقعد أفتكر المواقف زي فيلم طويل مش قادر أوقفه بس نفسي أهرب منه أفتكر الضحكة اللي كانت بتخبي خنجر والكلمة الحلوة اللي كان وراها نية مش نقية بس صدقني يا قلبي اللي حصل مش خسارة ده ربنا كشفلك وجوه كانت لابسة وشوش مزيفة كشفلك ناس كنت شايفها ملايكة وطلعت بتطير بجناحات كذب علمك تمشي لوحدك وتتعلم إن السلام النفسي أغلى من أي عشرة ناقصة وإن الوحدة أرحم من صحبة مؤذية وإن السكوت أوقات أقوى من ألف صرخة رفعت الجلسه يا صاحبي مش علشان الحكم اتنطق لكن علشان قلبي تعب من الدفاع وتعب من المحاولة رفعت الجلسه وقررت أعيش من غير انتظار من غير وجع من غير تبرير قررت أعيش لنفسي مش ندمان بس موجوع موجوع بس متصالح مع الوجع موجوع بس راضي لأن اللي راح ما كانش قد البقاء ولو تسألني دلوقتي مين اللي كسب أقولك الوجع كسب بس أنا اتعلمت كسبت نفسي كسبت راحتي كسبت يقيني إن اللي يستحقني هييجي لوحده ومش هحتاج أشرحله أنا مين ولا أترجاه يفهم قلبي رفعت الجلسه واللي باقي دلوقتي هو حكم الزمن إن اللي وجعني خلاني أقوى واللي كسرني علمني إزاي أرمم نفسي بإيدي وإن مهما الوجع زاد العمر ما بيقفش والقلب لسه بيعرف يحب بس بحذر