مطلوب منك مش تتوجّع
مهما تشوف الويل أو تسمع
مهما القلب يعيش في جراح
مهما تكون مانتاش مرتاح
ممنوع تبكي في يوم وتدّمع
مطلوب منك تفضل ثابت
مهما الدنيا عليك يوم مالت
تتحمّل وماتتألّمش
تتعذّب وماتتكلّمش
مهما هيحصل تفضل ساكت
مطلوب يعني تعيش متحمّل
مهما تعبت لابد تكمّل
طيبة قلبك دي من الأول
خلّت فيك الكل بيطمع
مطلوب منك مش تتوجّع
مطلوب منك تفضل واقف
مهما عليك الكل إتكاتف
وإوعاك تشكي لحد ظروفك
وبلاش حد في مرة يشوفك
يعني ضعيف مكسور أو خايف
مش مكتوبلك أو مسموح
إنك تتعامل بوضوح
إوعى تنازع أو تتألم
أو تشكي في مرة وتتكلم
حتى في وقت طلوع الروح
إوعى ده كله يأثّر فيك
ولا تبان دموع في عينيك
مهما هتيجي الدنيا عليك
إوعى تنخ في يوم أو تركع
مطلوب منك مش تتوجع
بقلمي عبدالحميد وهبه
