لما مسلسل راس الافعى جاب سيرة (يحيى موسى)الارهابى الهربان
وفلوس التمويلات المتنغنغ فيها وهو هربان بره مصر والعربيات اللى بيغير فيها
كان كله كلام حقيقة طبعا وأمننا الوطنى ومخابراتنا عارفين عنهم طبعاً اللى هم نفسهم مايعرفهوش عن نفسهم
والدليل على التمويلات والنغنغة ومن عند مراكيب الاخوان نفسهم وبلسانهم بوست الهارب
(عمرو عبد الهادى )امبارح على صفحته الرسمية واللى بيجسد معنى المثل اللى بيقول لما الحرامية يقعوا فى بعض
السريقة بتبان .
من يوم ضربة الداخلية الجامدة للإخوانجية بالقبض على عنصرهم (على عبد الونيس)اللى اترحل من تركيا على نيجيريا واتجاب لمصر مؤخرا
من اليوم ده والإخوانجية الحرامية واقعين فى بعض وبيعايروا بعض وبيفتنوا على بعض
فالهارب (عمرو عبد الهادى)كاتب بوست بيشرشح فيه لمرات الإخوانجي الارهابى الهارب
(يحيى موسى)وبيهددها يفضحهم اكتر فى فيديو يكشف فيه تفاصيل اكتر عن التمويلات والفلوس وبيوصفها بالمليونيرة مرات المليونير وبيعايرهم بفلوس التمويلات وكمان بيفضح سر التمويلات اللى اترشت عليهم من بعض الدول
وبيتكلم عن الالفاظ النابية اللى مرات يحيى موسى هاجمته بها وبيقول انه كان يتمنى ان يحيى موسى هو اللى يرد عليه بنفسه لكنهم بيصدروا الحريم للرد
زى ما وصفهم
طبعا خناقة فى منتهى الوضاعة والسوقية بين اتنين حرامية لكنها اكدت ان التمويلات والنغنغة اللى عايشين فيها قيادات الاخوان ومراتتهم دى حقيقة مش افترا ولا خيال مؤلف مسلسل راس الافعى
وكمان اكدت ان الحرائر بتوعهم منافقات ومتاجرات بالدين ليل نهار يتعالوا على البشر بادعاء الفضيلة والاخلاق
ووقت الخناقات والخلافات تظهر الحقيقة الوقحة والالفاظ النابية
الإخوان المنافقون دائماً يقولون ما لا يفعلون..
