رمضان والرزق… ليه ناس كتير بتحس بالبركة رغم زيادة المصاريف…………….
مع دخول شهر رمضان، أول حاجة بنحس بيها إن المصاريف زادت………….
عزومات، ياميش، لحوم، حلويات، ومشتريات يمكن ما بنجيبهاش طول السنة. ورغم ده كله، ناس كتير تقولك: “والله في بركة غريبة في البيت”…………
طب إزاي؟ وإزاي المصروف يزيد والإحساس بالرضا يزيد معاه؟………….
الحقيقة إن رمضان بيغير مفهومنا عن الرزق. طول السنة بنقيس الرزق بالأرقام… مرتب، مكسب، حساب في البنك. لكن في رمضان بنبدأ نحس إن الرزق أوسع من كده بكتير…………
الرزق إن البيت يفضل عامر باللمة……….
الرزق إن الصحة تساعدك تصوم وتقوم………….
الرزق إنك تلاقي حد يفطر معاك بدل ما تاكل لوحدك………..
الرزق إن قلبك يهدى بعد يوم طويل…………
….في رمضان، العطاء بيزيد، والصدقات بتكتر، وكل واحد……
بيحاول يعمل خير على قد ما يقدر. والغريب إن اللي بيدي ما بيحسش إنه خسر… بالعكس، بيحس إنه كسب راحة نفس وطمأنينة…………
كأن السر مش في الفلوس نفسها، لكن في طريقة دخولها وخروجها…………..
يمكن البركة بتيجي من نية مختلفة يمكن لأننا بنقول “يا رب” أكتر……………
…. يمكن لأننا بنفتكر المحتاجين، فنحس بقيمة النعمة………
ويمكن لأن القلوب بتبقى أصفى، فالإحساس بالقليل يكفينا.
زمان كانوا يقولوا: “البركة مش في الكتير… البركة في الرضا”
ورمضان بيرجع لنا المعنى ده كل سنة. يعلمنا إن الرزق مش دايمًا فلوس بتزيد، أحيانا بيكون هم بيخف، مشكلة بتتحل، أو نفس مطمئنة…………
عشان كده، رغم إن المصاريف ممكن تبقى أعلى، إحساس البركة بيبقى أكبر…………
لأن رمضان مش بس شهر استهلاك… هو شهر توزيع. توزيع خير، ومشاعر، ودعوات، وأمل………..
…………يمكن السر كله في كلمة واحدة…………
…لما الرزق يرتبط بالشكر، يزيد حتى لو الأرقام ما اتغيرتش….
