الـ HR مش مهنة ‘باردة وشريره ‘ زي ما الناس فاكرة، دي أكتر شغلانة بتستنزف روحنا لأننا مطالبين نكون ‘ميزان’ وسط عالم مش بس عادل.. أصعب لحظة مش لما بناخد قرار صعب، أصعب لحظة هي اللي بنحاول فيها نحافظ على ‘إنسانيتنا’ من غير ما نكسر ‘مهمتنا’، والمنطقة دي مبيعيش فيها غير اللي اتعلم يحط حدود تحميه قبل ما يحمي الشركة.
| الثمن الإنساني اللي محدش بيحسبه
فيه شيء واحد دايمًا بيتساب في الآخر… علشان صعب.
الثمن اللي الـHR بيدفعه وهو بيشتغل صح.
هقولكم حاجة بس هي قاسية
الـ HR مش شغل بارد، حتى لو أجبرتنا الظروف نبان كده.
احنا كل يوم:
بنسمع مشاكل– بنشوف ظلم ــ بنشيل غضب – بنتفرج على ناس بتتكسر
وأحيانًا… بنكون إننا اللي لازم نقول القرار.
وده ما بيعدّيش من غير أثر.
أكتر حاجة بتكسرنا كHR من جوّه
إننا نبقى:
فاهمين أكتر من اللازم.
شايفين الصورة كاملة.
شايفين إن:
– الموظف متجاهل جزئيًا– المدير مضغوط جزئيًا– الإدارة عندها Risk حقيقي
والمطلوب مننا:
نختار.
مش حل مثالي……اختيار أقلّهم ضرر
وهنا بيظهر الصراع الحقيقي
إننا نفضل” إنسان “…من غير ما نبقى ضعاف.
وإننا نفضل مهنين…من غير ما نبقي قاسين…المنطقة دي ضيقة جدًا.
وأغلب الناس بتقع منها.
النماذج اللي بنشوفها في السوق:
1. الـ HR الآلة: مفيش تعاطف، مفيش إحساس، “اللايحة بتقول كذا”.
ده بيكسب شغل بس بيخسر نفسه.
2. الـ HR الإسفنجة: بيشيل، يمتص، يبرر، ويرقع للكل.
ده بيكسب حب الناس بس بيتحرق مهنيًا ونفسيًا.
الـHR الناضج بيعمل حاجة مختلفة
بيعمل حدود.
يسمع… بس ما يغرقش– يتعاطف… بس ما ينحازش– يساعد… بس ما يشيلش شغل غيره
– يقول “لأ”… من غير ما يعتذر عنها
الحدود هنا مش قسوة…الحدود حماية
الخلاصة
الـHR مش وظيفة.
دي شخصية مهنية بتتشكّل بالوجع.
اللي يكمل للآخر:
مش أذكى … ولا أشطر
لكن:
أصدق مع نفسه، وأوضح في حدوده ،وأشجع في قراراته
ومن هنا…
اللي جاي مش “إزاي تتعلّم HR”.
اللي جاي:
إزاي تعيشه… من غير ما يكسّرك
