بقلم/ د. حنان حسن مصطفي
عبارة سمعناها كثير اوى وكل واحد مننا فسرها بنفسه وعلى راحته أو من خلال وجهة نظره وتجاربه الشخصية . (فى فرق كبير بين اللى خايف يخسرك وبين اللى مستخسرك بجد وحريص على سعادتك واسعادك). شتان بين الشخصيين والمعنيين تعالوا نناقش الأمر واطرح لكم وجهة نظرى بالفعل / الجزء الاول وهوه اللى خايف يخسرك ( ده شخص بيكون بيحبك بصدق وإخلاص بيكون مستعد يعمل اى حاجة ليكى علشان تكون سعيدة ومبسوط معه أو حتى مع غيره كفاية بس أنه يشوفك مبسوط وراضى حتى لو من بعيد أو مع غيره وده قمة الحب الحقيقى والعشق والغرام والإخلاص حب منزه من الأنانية ومن حب الذات ، حب بيشوف سعادة حبيبه حتى قبل سعادته ، وبيشعر أدى ابه انك كأنثى كان حساس و راقى و مرهف الاحساس والمشاعر ربنا خصها برقة وأنوثة وجمال غير عادى بس تكون مبسوطة بس بس توزع سعادة على الجميع بالفعل فبيتفانى فى أسعادها بإخلاص وصدق حتى لو كانت مش معاه أو من نصيبه. يااااه شعور عميق لابعد الحدود انك يكون كل هدفك فى الحياة هوه اسعاد من تحب وتشوفه أنه عالمك وكونك وتتحدى العالم علشانه وتكون مؤمن بيه ومعاه وجنبه وقت ضعفه ووقت قوته ، ولا تتخلى عنه مهما حدث وحتى لو كان غلطان تلاقى نفسك بردوا معاه وشايفه صح وبدافع عنه، انثى استثنائية بكل معنى الكلمة ،نسخة واحدة لن تتكرر على الاطلاق وهى تصبح محور الكون بالنسبة له. لا يلتفت لانثى غيرها، ولا يعير الاهتمام لأى نساء العالم فى وجودها ، حتى لو كانوا فى قمة الأنوثة الطاغية والجمال فهم لا يعيرون اهتمامه. هيه وحدها بالنسبة له الاكتفاء عن العالم ومن فيه. ده اللى صعب انك تلقي له بديل فى هذه الحياة فإن ضاع منك هذا الشخص فأنت نادم وخاسر اكبر ولن تجد بديله ولو فى الف شخص آخر بالفعل. ستظل تبحث عن بديل له دون جدوى لانه لا يتكرر فى العمر مرتين، وساعات بتقول عليه توام الروح ، عشق الروح دون الجسد. أما الجزء الآخر/ الشخص اللي مستخسرك بمعنى اللى شايف فيك كل حاجة حلوة وحاسس بقيمتك وعارف قدرك واستحقاقك ومكنتك فى الأوساط والطبقات العلمية والاجتماعية والثقافية ، معتبر أنه حصل على كنز غالى وثمبن ولا يريد أن يضيع من أيده أطلاقا ، كنز يصلح الوجاهة الاجتماعية والتباهى امام الناس بالاصل والجمال والإنسانية والإبداع، فيكون حريص عليك وعلى عدم فقدك وضباعك من أيده ولكن هناك مؤشر أو جرس انذار فى هذه العلاقة وهوه أن هذا الشخص لا يعنيه سعادتك ولا يهتم بوضعك أو ظروفك الفعلية ، قمة الأنانية ويبحث فقط عن سعادته ورضاء نفسه هوه يستغلك لاسعاده وتحقيق سعادته الشخصية، غير مهتم إن كان يستطيع اسعادك أو ارضاءك بالفعل ام لاء كل همه أن يستحوز عليكى وتكون. معه دون النظر لكونك انسان يستحق السعادة والدعم ، هؤلاء بداية لأخطر انواع العلاقات الإنسانية والبشرية جمعاء هولاء الأشخاص هم بداية لكل العلاقات السامة والتوكسيك كما نطلق عليها ، رفقا بأنفسكم تجنبوا هذه العلاقات الإنسانية فإنها مدمرة للطاقة ولا يوجد من وراءها نجاح ، هم أشخاص مؤذيون مصاصون للطاقة ينصح بتجتبهم والابتعاد عنهم قبل فوات الأوان.
