ــــــــــــــــــــــ
الله يجازى القدر جمّعنا واحنا بعاد
قرب روحك لروحى من غير ما يدى معاد
جايب لنا الصح والوقت كان الغلط
والحب اصلاً سهم شده القدر قام فلت
صاب الفؤاد والروح والقلب بيه مدبوح
وارواحنا متعذبه
مجاش ليه فى الصبا
يروى عِجاف القلب
اللى اتلضم مواويل
وبإرادتى
كتبت اسمك فى اول سطر
فى روايتى
وغنيتك صبا ونهاوند ويا حجاز
ماهو الانجاز
لأنك كنتى ويايا
بطول الرحلة والترحال
تقيم الروح صلاة العشق
واعزفلك بروحى الضالة كام موال
واولهم
القلب تعبان م الغياب
ادخلى من أى باب
خضرى فى الكون سنابل
نبض قلبى لسه قابل
لسه بتعشم مودة
بس بينى وبينك انتى وامنياتى
ألف مُد وألف مُدة
وارتجافة خوف مواعده
لسه فى الايام فاضلى عمر تانى
فات عليّا كام حكاية عن لسانك عن لسانى
والتراجع فى المواجهه شيئ أنانى
كل واجهه لقبلتى كانت عشانك
مشاى ديماً فى اتجاهك
وأسألى قلبك يقول لكِ
ليه كلام الشعر رافض غير يكون لكِ
يااجمل قصيدة بِكر فى الموضوع
ده حروفى عطشانة الحياة
وف ايدك الينبوع
فـ بلاش حبببتى تبخلى
على قلبنا الموجوع
رقى بقى
