أضحك روق ريح البال
انسي إن الدنيا بتجرح
اضحك لو شلت جبال
عيش ف خيالك واسرح
أنسى تعبك والطالبات
اسرح إياك تشرح
الوهام والقلق والمتاهات
سيبك من عين حسود
خلي قلبك من الهموم
خلي صدرك من الحقود
افرح سيبك م الظنون
خليك في صبرك مثالي
اعمل نفسك مبسوط
أحسن وبر الغوالي
هرّر والبس زعبوط
علِّي الضحكة علِّي
خلي الهم لحظات
كبّر دماغك خلّي
ضحكتك مسرات
حير عدوك فيك
مين شافك يتحير
لما ع طول يلاقيك
ف كل لحظة بتتغير
احبس حزنك ف قلبك
خلي البسمة ع شفايفك
أوعى يحسوا بحزنك
أوعى يحسوا بوجعك
أضحك ضحكة مصنوعة
دي الضحكة مش ممنوعة
اضحك تلاقي دنيا غريبة
صاحب نفسك واضحك للممات
بقلم الشاعر مصطفى ابوزيد
