بقلم شريف شحاته مصر
هنت عليك وما هنت عليا يالي سافرت وسارق روحي
قسوة قلبك وهجرك ليا وألمي يزيد من نبضي وبوحي
لما تسافر يا أبو قلب ناكر أنا لسة فاكر نبضي وجروحي
أنا فاكر كل كلامك أيام عشتها قدامك أحلم وأعيش أحلامك وأفرح معاك
دلوقتي بتنسي كلامي ترحل ما ترد سلامي تقلقني في عز منامي من طيف هواك
ليه أهون عليك وأشتاق إليك من حبي فيك ومن كتر نوحي
هنت عليك وما هنت عليا يالي سافرت وسارق روحي
قسوة قلبك وهجرك ليا وألمي يزيد من نبضي وبوحي
فاكرك علي طول يا ناسيني يا هاجرني بهم سنيني
مستني الفرح ييجيني وأشوف عينيك
مهما قلبك يلاوعني وتروح وتغيب وتبيعني
من غير نظرة تودعني وأهون عليك
همسات تروحلك بالشوق تقولك إرجع لخلك وتزيد طموحي
هنت عليك وما هنت عليا يالي سافرت وسارق روحي
قسوة قلبك وهجرك ليا وألمي يزيد من نبضي وبوحي
