وكأن كل حروف كلامي
من قبل حتى ما اتولد مكتوبه ليكي
و كأن كل عيون قابلتني ف سكّتي
كانت يا دوب ضلّ لعنيكي
حتّى الأغاني ..
كلّ الأغاني اللي سمعتها من سنين
ف كل مرّه اسمعها فيها
يزيد ف قلبي الحنين
و امّا إسمك يا مصر يتقال ف الكلام
ألقى نفسي بابكي م الفرحه قوام
صدقيني يا أمي انا باسمعِك
لمّا تنادي في الفضا
و باقول ف سرّي و ف العلن
إنّي أنا يا بلدي الفدا
و ان مالت الكفّه مسيرها تتعدل
و لا راح تضيع منّا أبداً كلمة أمل
و مهما قالوا عليكي قاسيه و قلبك عنيد
قولي انهارده صيام .. و بكرا عيد
هاتيجي الفرحه مع الفجر الجديد
و لا تزعليش منّي ف يوم
لو باقصّر
ما انتي أم
و الأم دايماً تعطي أكتر
تعليق واحد على “وكأن كل حروف كلامي”
تحياتي واضاميم الورد