مرة واحدة بس فى حياتى شوفت نظرة لن أنساها ..
كأنها بتسأل كل الأسئلة، وتجاوب في نفس اللحظة.
ومن وقتها عرفت ان النظرات ليها لغتها الخاصه جدا جدا
وبدأت أركز واتتبع نظرات اللى حواليا فى مواقف مختلفه
فشوفت نظرة الفضول،
ونظرة الخوف،
ونظرة الشوق اللى بتفضح صاحبها..
بس أجملهم على الإطلااااااق هى
“النظرة الحنونة”
النظرة اللى فيها طبطبة من غير كلام، واحتواء .
نظرة بتغطيك برموشها كأنها بطانية بتحميك من البرد
ياااااا الله !
نظرة كأنها مسكتك من كتافك جامد وبتقولك: “إهدَىٰ..”
اما ضحكة العيون بقى.. دى حكاية تانية خااالص.
بتسرق القلب ،تخطفك ،تخترق قلبك وترسم ابتسامه لا اراديه من شدة جمالها .. وتضحك معاها الدنيا والله ..
وفى نظرة تخليك عايز تفضل باصص ليها من شدة الإرتياح.
نظرة تحس إنك “اتشافِيت واتعافيت بسببها
وفيه ناس عينيهم بتقول كلام من غير كلام
الحنية لما تسكن العين بتخلى صاحبها جميييل جمال مش عادى مهما كانت ملامحه
S𝓪𝓶𝓪𝓻 𝓨𝓸𝓾𝓼𝓼𝓮𝓯 8_10_2025
