ياللي وجودِك صار دفا وأمان
حاسيت معاكي بجد بإطمئنان
أنا كنت تايه قبل ما أقابلك
ولاقيت معاكي السكة والعنوان
سنين كتيرة ماشي في الملكوت
عايش حياتي وسط خوف وسكوت
لا كلمة حلوة حد قالهالي
والليل عليا صعب مش بيفوت
جيتي إنت فجأة عليا حنّيتي
بيّا أكيد وبحالتي حاسيتي
حاسيت بقلبك يعني صار بيتي
ونسيت معاكي الوحدة والحرمان
ياللي وجودك صار دفا وأمان
ياللي وجودك صار لقلبي حياة
من بعد عمر نبضه كان واقف
حس أمّا شافك بفرحة مش سايعاه
بعد سنين قضّاها كان خايف
ومعاكي فعلاً شاف طريق مفتوح
صمّم عشانك يمشي فيه ويروح
ياللي وجودك عادلُه تاني الروح
والضحكة منك نسّتُه الأحزان
ياللي وجودِك صار دفا وأمان
العمر قبلك يعني مش محسوب
والضحكة كانت شبه معدومة
بعد أمّا جيتي إتغيّر المكتوب
والبسمة صبحت فوق خدي مرسومة
أنا م النهاردة خلاص بقى بعلن
إن وجودك حاجه بتطمّن
أنا هَدعي ربي وهشكرُه دايماً
وبيكي هنسى اللي عدّى وكان
ياللي وجودِك صار دفا وأمان
تعليق واحد على “( وجودِك أمان )”
تحياتي واضاميم الورد والياسمين