ده لو كان الفراق محسوم
ولو بينّا الكلام كان قل
ولو حتى اللُقا معدوم
أكيد لازم هيبقى فيه حل
هنصبر أه ونتحمّل
عشان نقدر سوا نكمّل
ومهما البُعد هيطوّل
ف بينّا أكيد فيه همزة وصل
ده لو كان الفراق محسوم
ولو بينّا الكلام كان قل
مادام كلامنا مش مسموح
هنحكي بروحنا وعينينا
ده عشق الروح أكيد للروح
ما بينّا بجد يكفينا
بنفهم بعض في سكوتنا
ونحكي لبعض شكوتنا
وصعب إن إحنا نتفارق
ولو فيها أكيد موتنا
كِتير الدنيا عاندتنا
وعاندونا جميع الناس
وقالوا الغلطة غلطتنا
عشان حبّينا وبإخلاص
في وقت قل فيه الحب
وقلّت يعني طيبة القلب
وجابوا العيب كمان فينا
وجابوا علينا كل الذنب
بقلمي عبدالحميد وهبه
