بقلمي/ جمال حلمي ابراهيم عامر
…………………………………………………….
ناس عايشه مهاش لاقيه
وناس صبره وناس دايخه
اقوم م النوم على مشاكل
جاري وبيته في عركة
مفيش فلوس مفيش لقمة
وهو واقف ضارب لخمه
لا الست صبره على حالة
ولا الايام عليه راضية
مصيره مصير بيوت ياما
بشوفها كتير ف ايامنا
بالراحة علينا يادنيا
بالراحة علينا كده شويه
بالراحة علينا كده كتير
ظروفنا صحيح بقت صعبة
مساكين بتبكي على حالها
لا قلب حن وساعدها
الكل شايف قاعد ساكت
منزوع الرحمة والكلمة
بسأل كتير على جاري
خايف يموت كده فجأة
لا عيل جدع عليه قيمة
ولا ست أصيلة صانت لقمة
حياتها معاه انا عايزة
لا تعرف عيب ولا رحمة
………………………………………………………….
