-ال HR المفروض يبقى الطرف المحايد فى الشركة لا بيجى على الموظف لحساب الشركة ولا العكس
-مش لازم تبقى عامل poker face وانت بتعمل Interview وكأن ال جايلك ده هيدخل الجنة بقرارك
-عادى انك تبتسم وانت بتسلم
-عادى تسأل اسئلة تفك بيها التوتر زى “عامل اية واخبار الطريق اية وانت جاى الشركة؟”
-عادى لو سألته تشرب اية او تخلى كوباية ماية قدامه
-عادى لو سألته سؤال وحسيته تعسر فى الاجابة من التوتر انك تقول كلمة تفكره فيكمل هو الكلام
-عادى لو الشخص rejected انك تتصل بيه و تقول اسباب الرفض عشان يطّور من نفسه
-مش لازم اسئلة هبلة زى شايف نفسك فين كمان ٥ سنين عشان البلد نفسها مش عارفة هتبقى فين كمان ٥ ساعات
-مش لازم تكّسر معاه فى المرتب وانت عارف ان الشركة حاطة package أعلى من ال طلبه عشان تبان قدام الmanagement انك جامد وجبت حد شاطر بمرتب اقل
على فكرة ال ٥٠٠ ولا ١٠٠٠ جنية مش هيفرقوا مع الشركة ولا انت هتدفعهم من جيبك بس الأكيد هيفرقوا مع الموظف
ربنا قال “ولا تبخسوا الناس اشياءهم” فتخيل لما تقلل من رزق حد كان ممكن يبقى مرتبه أحسن
“سهلوا الحياة على الناس عشان ربنا يسهلها علينا
