مره اطلبينا
مصر يا ام الرايه عاليه
والتاريخ شاهد دليل
ترخص الأرواح يا غاليه
لاجل تعدى المستحيل
أؤمرينا ف أى ثانيه
كلنا أكتاف تشيل
هتلاقينا قلوبنا حاميه
متلاقيش واحد يميل
والصفوف دايما مساويه
ومستعده للرحيل
نارنا شعله تمللى قايده
ودَمِنا جاهز يسيل
لو نعيش والبطن فاضيه
ولا فيش الا الجوع بديل
راح نصبر لو تبقى راضيه
كلنا جيل بعد جيل
بس تبقى قويه ماضيه
مهما تمشى طريق طويل
يا ام عيون كحيله سمره
يا ام أغلى وأحلى نيل
يا ام صحرا جنه خضرا
يا ام رئيس وطنى وأصيل
لو عليكى مِية مؤامره
حارسينك نهار وليل
لاجل تعيشى يا مصر حره
رغم كل خسيس عميل
مره اطلبينا
بقلمى خيرى ناصف
تعليق واحد على “مره اطلبينا”
تحياتي واضاميم الورد والياسمين