مادام ماقدِرتش توَفّي ف ليه بتوعِد
وليه تُشرط على نفسك وتتعهد
مادام طلِعت مش قد الكلام فعلاً
هحلّك يعني من وعدَك خلاص وأبعد
وألملم جرحي وحنيني وأشواقي
وباقي العمر لو كان لسه فيه باقي
وجايز ربي يكرم قلبي ويلاقي
حبيب وقت الوجع يقدر عليه يسند
مادام ماقدِرتش توَفّي ف ليه بتوعد
مادام ماقدِرتش تضحّي ف ليه تقرّب
وليه وقت أمّا قلبي إحتاجلك بتهرب
هروبك يعني معناه إن إنت ماعشقتش
وماقدرتش يعني تفهمني و ده الأغرب
بالنسبة ليا أكيد ف مش فارقة
بعادك يعني وهروبك ماجاش فجأة
ولو فكّرت يوم ترجع هقول لأة
وعِند بعِند صدّقني أكيد هعند
مادام ماقدِرتش توَفّي ف ليه بتوعد
مادام مش عَندك النية إننا نكمّل
ف ليه مثّلت على قلبي من الأول
وليه خلّتني أصدّق يعني تمثيلك
ولّا إنت عجبك نفسك وإنت بتمثّل
مبروك عليك دور البطولة في روايتك
ما أنا أصلي كنت كُمبارس في حكايتك
لٓكني شُفت في عيونك نهايتك
جاي بعد إيه بيّا بتستنجد
مادام ماقدِرتش توَفّي ف ليه بتوعد
بقلمي عبدالحميد وهبه
