واحد ضرب واحد في الشارع
او اعتدى عليه
او ابن ضرب امه او أبوه
وبعدها بكام يوم الموضوع خلص بتنازل
فلوس اتدفعت
او ضغوط حصلت
والمجني عليه قال خلاص سامحت
هل كده الموضوع انتهى فعلا
طيب وحق المجتمع فين
واحساس الامان بتاعك فين
لما حد يعتدي على غيره
الموضوع مش بين اتنين بس
الموضوع رسالة لكل الناس
لو معاك فلوس
تقدر تخلص اي ازمة
انا شايف ان لازم نفكر بشكل مختلف
حتى لو حصل تصالح
يكون فيه عقوبة بسيطة الزاميه
خدمة مجتمعية
شغل لصالح الناس
مشاركة في اعمال عامة
مش حبس
ومش تشديد
لكن احساس حقيقي ان الغلط له تمن
العقوبة هنا مش ضد الصلح
لكن لحماية المجتمع
انت شايف ايه
ينفع كل حاجة تخلص بورقة تنازل
ولا لازم يفضل فيه جزء من الحق للمجتمع كله
ومن هنا لازم يكون فيه تعديل تشريعي
