بقلم د/هويدا الجندي
الزواج مش مجرد كلمة ولا مناسبة عابرة تتزين فيها البيوت بالزينة والأغاني. هو بداية فصل جديد في كتاب الحياة، فصل مليان تفاصيل بتغيّر الروح وبتمنح للقلب معنى مختلف.
جرّب تتجوز ونشوف الصبح، تلاقي الدنيا كلها ورد ووشوش مبتسمة، والعطر يفوح من كل مكان كأنه بيحتفل معاك بالخطوة الجديدة. بيتك هيبقى عنوان للفرح، وضحكتك هتغلب كل صمت كان ساكنك زمان.
الزواج مش بس مشاركة أيام، ده مشاركة أحلام، وآمال، ووجع كمان. لكن لما يكون فيه حب حقيقي، البسمة ما تفارقش وشك، والحزن يهرب من قلبك، والأحزان تضعف قدام دفء البيت ودفء الشريك.
يمكن في العزوبية تفتكر إنك حر، لكن الحرية الحقيقية أحيانًا تكتمل في المشاركة. المشاركة اللي تخلّي حياتك ليها قيمة مضاعفة، وتخلّي قلبك يعرف معنى السكن والاطمئنان.
فالزواج مش قيود، بل جناحين جداد بيخلّوك تحلّق أعلى، وتشوف الحياة من منظور أوسع، وأجمل.
