عم يا بياع الأحلام
هي الأحلام السعيدة
عندك بكام
وياترى بتتحقق ولا
هانشوفها بس في المنام
عندك حلم يخليني سعيد
وأكون بعلمي في بلدي
ماشي في الشارع
ف وسط الناس باحترام
وبعلمي هو هو أدخل
أي مكان في بلدي
الناس تديني تعظيم سلام
ولأن أنا عالم مش
عايز أروح بلاد العجم
وأعيش تمام التمام
علشان في بلدي
مش قادر أعيش زي
مغني درجة رابعة
أو لاعب كرة قدم
معرفش سعره من
الملايين كاممممم
وأحياناً لأنك أصبحت
عالم من الناس تتلام
وأستطيع أن أعلم
أولادي قبل ما يضيعوا
ف وسط الزحام
عم يا بياع الأحلام
والله لا عايز ملايين
ولا كام أنا عايز فقط
في بلادي أعيش باحترام
وعجبي
بقلمي/ عبد الحفيظ جابر شيبه
