في حياتنا بنقابل أنواع من البشر، فيهم اللي أول ما الظروف تعاكسه ينهار، وفيهم اللي أول ما يقف قصاده باب يقعد قدامه يعيط……………..
لكن في نوع نادر، لما الدنيا تضيق عليه يبتسم، ولما يقع يقوم، ولما يخسر يتعلم، ولما الناس تفكره اتكسر، تلاقيه بيبدأ من أول وجديد ……….
النوع ده هو اللي ما ينفعش تلعب معاه. ليه لإنه مش من الناس اللي بتستسلم بسهولة، ومش من اللي بيقفوا عند أول هزيمة……………
ده من خامة مختلفة… كل نهاية عنده مجرد شرارة لبداية أقوى………..
الناس اللي بتتولد من جديد بعد كل سقوط عندها قدرة غريبة على تحويل الوجع لدفع، والخسارة لدرس، والفشل لخريطة طريق………..
يمكن تتعب، يمكن تتألم، لكنها عمرها ما بتنهزم ومشكلتك لو فكرت تلعب مع حد بالشكل ده إنك هتلاقي نفسك بتواجه شخص أقوى من كل توقعاتك شخص جابته الأيام الصعبة، ورباه الألم، وقوته الحياة…………..
ده اللي مهما ضاقت به الدنيا، يعرف يلاقي فيها منفذ.
ومهما اتقفلت الأبواب، يصنع باب من العدم ومهما قلت له “خلاص”يرد عليك “لسه”………..
وفي زمن بقى فيه كتير ينهاروا من كلمة وينسحبوا من موقف………
يظل الشخص اللي يصنع من النهاية بداية هو الأكثر ثباتًا، والأكثر فهما للحياة……..
لأنه عرف إن اللي بيكسب في الآخر مش الأقوى ولا الأغنى اللي بيكسب هو اللي يفضل واقف مهما اتكسرت حواليه الحكايات…………
فاحترس ولا تلعب مع شخص يعرف يبدأ من الصفر، لأن الصفر عنده مش نهاية ده المكان اللي بيصنع منه معجزاته………..
وفي النهاية، تظل قيمة الإنسان الحقيقية في قدرته على النهوض، لا في عدد مرات سقوطه…….
فالشخص الذي يصنع من كل نهاية بداية لا يخيفه الفشل ولا تربكه الخسارة، لأنه تعلم أن الطريق لا يقاس بما فقده، بل بما استطاع أن يبنيه بعد كل عثرة………
هؤلاء هم أصحاب النفس الطويل الذين لا يهزمون، بل يعاد تشكيلهم. فاحترم قوتهم، وابتعد عن اللعب معهم، فهم وحدهم يعرفون كيف يحولون آخر السطر إلى أول السطور………….
