محظور عليه يلمس سطور البوح بسنه من قريب او من بعيد والا صار ضمن الموات
واذ كان لا بد من الصرير .خليه نفير يزعق في كل ضمير نسى انه محاسب عاللي جي وعاللي فات
لكن صوابعي مصممة تقف قصاد كل المشاهد واجمة متلجمة
.اخر ما فيها تشد حيلها بالدعا وتوجهه لرب العباد مدسوس في قلبه الامنيات
ياصوت سكاتي رد غيبة قهر قلمي وقول لهم ..
عمر الكلام ما سد جوع او كفكفت صرخة الدموع…الفعل صوت حال اللي ناوي تحفظ ملامحه الذكريات
فعشان كده كمم حروف قلمك بفعلك وانزل لساحة المعركة ساعد فقير وفر لو حبة حاجات
اطلق قواك الكامنة جوه الحروف افعال ما تعرف اي خوف تحل كل المعضلات
كفياك كلام شبعنا من زيف النواح والولوله
خليك جدع وانزل بتتر جديد عليك من غير كلام
سيب بصمتك واجبر قلوب كل العوام
لو حتة لقمة غموسها حاف .تسد جوع المحجوزين جوه الاهات
ودع زمانك يا خطيب القول وفز ده.الوقت مش وقت حكايات
بقلمي عبيرالصلاحي
من ديواني تعالى اما اقولك
