هقولك تأثير ((المُقارنه)) علي أولادك
ابنك اللي بتقارنه بأخواته ، بأولاد خالاته وأقاربه
بيكون هدفك نبيل من المقارنه دي لإنك بتحبه وعاوزه أحسن إنسان في الدنيا
بتستخدم المقارنه كتحفيز لإبنك
او بنتك علشان يتطور ، ينجح ، يلتزم ، يحاول ، يكون من الأفضل .
الضغط النفسي الذي يدمر حياة ابنك من السبب الأساسى ..؟
المقارنه بالغير …
ربنا سبحانه وتعالى خلق لكل مننا له قدرة تختلف عن الآخر
وهذا ليس مرض ..
لا تقارن ابنك باخواه أو بصاحب أو بقريب كل منهم له هوايه مفضله.
الابن الأكبر …يعشق الكتابه
والابن الاخر يعشق الكورة
المقارنة بتؤثر سلبًا على أولادنا
. بتخلق عندهم:
– شعور بالنقص وعدم الثقة بالنفس.
– غيرة ومشاعر سلبية تجاه الآخرين.
– ضغط نفسي وقلق دائم.
– فقدان الحماس والإبداع.
بدل المقارنة
ركز على تشجيعهم ودعمهم يطوروا مهاراتهم بثقة!
المُقارنة كإسلوب
كلنا عارفين إن لها تأثيرة سلبي وتأثير إيجابي
لكن النوع اللي معظم الأهل بيستخدموه وهو
( مقارنه الإبن بأخوه ، بأخته ، بأقاربه ، بأصدقاءه)
لا تقارن شخص بالآخر..
امتي المُقارنه تكون إيجابيه
لما تقارن ..
ابنك بنفسه (بأرقامه السابقه ، بشخصيته من سنه ، بنجاحه السابق ، بأخطاءه من سنه ايه اللي اتغير فيها وهل التغير ده سلبي ولا إيجابي )
لما تدعم وتشجع كل تغير بتلاحظه علي ابنك مقارنه بالسنه اللي فاتت كمثال
( بيرتب سريره حالياً كل يوم السنه اللي فاتت ماكنش بيعمل كده) ده تطوير ونجاح
لما تخليه يعرف ويحس إنك بتلاحظ التغييرات الصغيرة اللي بتحصل في حياته وتشكره وتشجعه عليها.
( أنا مبسوطه منك جدا علشان أنا ملاحظه إنك بقيت بتهتم بنظافتك الشخصيه ، بطريقه كلامك ، زدت نصف درجه السنه دي عن السنه اللي فاتت ، اتعلمت حاجات جديده السنه دي)
