عبد الله سليمالسودان دلوقتي في محنة كبيرة بسبب الفيضانات، والخساير هناك رهيبة..
أراضي زراعية اتغرقت، بيوت اتدمرت، ومناظر بجد تجرح القلب 
.
.أهلنا هناك محتاجين وقفة وسند مننا.
المؤلم إننا نلاقي بعض الأصوات من المصريين بتتكلم بالمن والمعايرة!
مرة على السوريين، مرة على اليمنيين، والنهاردة على السودانيين!
يا جماعة الخير.. الأمان من عند الله، والرزق من عند الله.
واللي بيلجألك في أزمته بيعتبرك كبير وسند، فلا تخذله فيخذلك الله.
وفي نفس الوقت.. بصوا على اللي بيحصل في غزة، دم وخراب وتهجير، والكل سايبهم وحدهم.
القوة الحقيقية للأمة في وحدتها وتكاتفها، مش في الفرقة والمعايرة.
أهل السودان أهلنا ودمنا، فرحهم فرحنا وحزنهم حزننا.
النهاردة هما في محنة.. وبكرة أي حد فينا ممكن يكون محتاج نفس الوقفة.
