بقلم / نهي احمد مصطفي
الأب هو أول بطل في حياة أولاده، والكتف اللي يتسندوا عليه وقت الشدة. وجوده مش بس عشان يوفر الأكل والملابس، لكن كمان عشان يعطي الأمان والراحة.
الأب بيتعب طول النهار علشان يشوف ضحكة ولاده، وبيخفي همومه عشان ما يحسسهمش بالقلق. يمكن ما يقولش “أنا بحبكم” بالكلام كتير، لكن كل تصرف صغير منه بيترجم الحب الكبير اللي جواه.
هو اللي يعلمنا معنى المسؤولية، ويزرع فينا القيم والمبادئ. هو قدوة في الصبر، والجدية، والالتزام. ولما نكبر ونبص ورا، هنلاقي إن خطواتنا دايمًا كان وراها دعمه وتعبه.
الأب هو السند اللي ما يتعوضش، والدعوة اللي من القلب اللي بتفتح لنا أبواب الخير.
