في لحظة معينة تلاقي نفسك واقفة قدام أفكارك مش قدام الحياة
عقلك شغال وبيفكر ويحلل ويعيد ويحاول يفهم كل حاجة
وساعات العقل ده بدل ما يكون نعمة يتحول لعبء
يبقى عايز يمسك كل الخيوط ويتحكم في كل تفصيلة حتى الحاجات اللي مش في ايدك
العقل اللي بيحاول يسيطر مش دايما بيكون قوي
كتير بيكون خايف خايف من المجهول ومن الخسارة ومن التغيير
وتلاقيه يشدك بأسئلة مابتخلصش
ايه اللي ممكن يحصل ولو حصل كده وليه حصل كده ويمكن كان يقصد كده
اسئلة تاخد منك طاقتك اكتر ما بتديك اجابة
السيطرة وهم كبير
لان الحقيقة ان اللي نقدر نتحكم فيه قليل جدا
واللي بيحصل جوانا اكبر واعمق من فكرة السيطرة
العقل ساعات يفتكر انه لو قلق وضغط عليك هيحميك
بس اللي بيحصل فعلا انه بياخد منك راحتك وسكينتك
اجمل الحاجات بتيجي لما نسيب مساحة
لما نقول لنفسنا ان مش لازم نفهم كل حاجة دلوقتي
لما نفهم ان في فرق بين التفكير وبين الاستنزاف
العقل مش عدوك هو بس محتاج يسمع انك قادرة تمسكي الطريق
وانك مش هتقعي لو سيبتي جزء من الرحلة للحياة وربنا
القوة مش في عقل عايز يسيطر
القوة في قلب يعرف يهديه
في اللحظة اللي تقولي فيها كفاية انا مش هعيش في خوف من احتمال يمكن ما يحصلش
ولما تفلتي حبل السيطرة الوهمية مش هتقعي
انتي بس هتتنفسي
وهتفهمي ان العقل اللي كان بيجري كان محتاج امان مش اوامر
العقل اللي يريد السيطرة عقل محتاج طمأنينة
ولما الطمأنينة تيجي من جواك
العقل هيمشي معاكي مش ضدك
بنت الحلم الكبير
