سافر بعيد يا وطن
هاجر وروح غربة
قلب الأحبه أعتزل
والفرقه مش صعبة
الدمع بكرة يجف
والجرح برضو يخف
واللى ترابك سف
ياجي يوم وتحتاجله
كداب يا بحر الصبر
البر عمره ما جه
أنت اللي موجك يروح
لو ناوي توصله
سافر بعيد يا وطن
وأقطع حبال وصلك
العيب مهمش فى البعد
العيب تخون أصلك
اللى يودك ود
واللى يهدك هد
واللى يخاطبك رد
اذا تبقى قاسي القلب
تخسر رصيد حبك
سافر بعيد يا وطن
ارمح مع
الرمحين
ازرع فى أرض أغراب
واحصد الم وحنين
أنت اللى هاجر أرضنا
وأنت الغريب عننا
وأنت اللى سامع آننا
واحنا لازم نصبر
سافر بعيد يا وطن
قبل أما بيك نكفر
