تعالى ضمني لصدرك
وقولي لمين بالوجع هاتبوح
ولمين تشكي همك
وبعدي لمين هاتروح
قطعت الود اللي كان موصول
وتركت بقلبي منك بقايا جروح
لك مني سلام شاعر كتب في
الهوى مواويل
خد حروفه من البكاء والنوح
سلام لكل من غاب عني
وفاكر الهوى في ايده
وساعة النوم تجلده سياط الليل
ويكتم الدمع وجواه مدبوح
راحوا الحبايب ومات الخبر عنهم
ومن غيرهم انا عايش
وإن كان الدمع على خدي
يحرق المناديل
هاخد من الصبر قميص يستر
عيوب قلبي
واكتب عن الجفاء واكتم
التفاصيل
وعلى شط الرضى هاقعد
يمكن بعد الغياب يرجع يقول
تعبت من سهاد الليل
وعيون الناس تعبتني
كفايه تعب وخدني على صدرك
وخدني بحضنك الواسع
وأقسم بحبي انك كنت ضايع
راحوا الحبايب ومات الخبر عنهم
وقلبي تعب من الأشواق
بقلمي/ سيد ابوزيد
مصر
