بص يا سيدي، إدارة علاقات العملاء (CRM) مش بس شغل شركات وكلام كده تقيل وخلاص… ده موضوع كبير ولو فهمته صح، هتلاقي إنك بتطبقه من غير ما تحس في حياتك اليومية، حتى مع صحابك وجيرانك وأهلك.
حتي في طريقة لبس هدومك الصبح البس الشراب الاول ولا القميص ذي ما قال د أسامة عبداللاه
طريقة تفكيرك بيختارك عميلك
يعني إيه إدارة علاقات عملاء؟ببساطة كده، يعني إزاي تكسب قلب العميل وتخليه مش بس يشتري منك، لا، ده كمان يرجع لك تاني ويوصي بيك كمان!
يعني تبني علاقة طويلة المدى مبنية على الثقة والاحترام.
أول خطوة: افهم عميلك!اسمعه كويس.
اعرف احتياجه.
خليك مرن معاه.
لو اشتكى، متزعلش.. بالعكس، اسمع وانت ناوي تحل.
زي ما بتعمل في البيت لما حد من أهلك يشتكي… بتحاول تفهم وتصلّح، مش كده؟
ثاني خطوة: خليك ذكي في التواصلمش كل الناس بتحب الكلام الكتير.
فيه اللي عايز المختصر المفيد، وفيه اللي بيحب التفاصيل.
زي لما تكلم مامتك غير لما تكلم صاحبك. كل واحد ليه طريقة، صح؟
ثالث خطوة: قيّم خدمتك باستمراراسأل العميل: “راضي عننا؟”
اعمل استبيان بسيط.
تابع الملاحظات والاقتراحات.
طوّر من نفسك كل شوية.
إنت كده مش بس بتحسن خدمتك… إنت كمان بتكبر وبتكسب احترام الناس.
التقييم مش رفاهية.. ده “مراية”اللي ما بيقيمش نفسه، عمره ما هيتطور.
واللي بيسمع النقد ويشتغل عليه، هو اللي بيكسب في الآخر.
بالظبط زي علاقتك بأي حد في حياتك… لو مش بتراجع نفسك، هتخسر كتير من غير ما تحس.
طيب إيه علاقة ده بالحياة اليومية؟إنت بتتعامل مع أمك؟ خد بالك من طريقتك واسألها رأيها.
بتبيع في محل؟ اسأل الزبون بعد الشراء لو محتاج حاجة تاني.
بتشتغل في مكتب؟ حاول تفهم زمايلك ومديرك عايزين إيه واشتغل على كده
يعني باختصار…
إدارة العلاقات = فن التعامل + ذكاء + وعي + تطوير مستمر
في الآخر…اللي بيكسب في السوق مش اللي عنده أحسن منتج،
إنما اللي بيعرف يحافظ على عميله ويحسسه إنه مهم، حتى لو الحاجة بسيطة.
وده مش بس في البزنس… ده في حياتك كلها.
خلّي شعارك:“أنا مش ببيع.. أنا ببني علاقة”
العميل هنا ممكن انت انا ابنك بنتك اي حد من العيله من جيرانك من اصحابك وممكن انت او انا نكون اصحاب الشركه والعكس في الاخر ابني علاقه قويه في مجتمعك
