بقلم شريف شحاته مصر
الشوق يا حبيبي دوبني في كل مرة تسيبني
وتفوت قلبي يعذبني حيران معاك
كلمة تقولهالي وتمشي تبعد وتغيب عن وشي
وأنا غصب عني راح أمشي وأفضل وراك
حلمك عليا وأصبر شوية أجمل هدية فرحة هواك
النظرة معاك واخداني أحلم وأدوب فيك تاني
بعدين أفضل وحداني لما تسيب
أفضل مشغول بخيالك وأبعد عن لوم عزالك
طمني ياروحي علي حالك وإياك تغيب
دايما واحشني والشوق واخدني والروح تحوشني
من طول جفاك
يا واحشني وانت معايا خليك علي طول ويايا
وتعيش مع قلبي حكاية ويدوم رضاك
إسمع كلامي وإفهم هيامي همسي في منامي وأعيش هواك
الشوق يا حبيبي دوبني في كل مرة تسيبني
وتفوت قلبي يعذبني حيران معاك
