بقلم / نهي احمد مصطفي
كان في شاب اسمه أحمد، وبنت اسمها سلمى. اتقابلوا بالصدفة في الجامعة، ومن أول لحظة حسّوا إن في حاجة مختلفة بينهم. مع الأيام بقوا أصحاب، وبعدها اتأكدوا إن اللي بينهم مش مجرد صداقة… كان حب حقيقي.
كانوا بيتمنوا يكملوا حياتهم مع بعض، لكن الظروف ما ساعدتهمش. أحمد اتعيّن في محافظة بعيدة، وسلْمى أهلها وافقوا على عريس تاني من غير ما يدّوها فرصة تختار.
رغم إنهم ما اتجمعوش، لكن كل واحد فضل شايل للثاني مكان جوه قلبه. ويمكن القدر ما جمعهمش في الدنيا، لكن الحب الصادق عمره ما بينتهي.
