اوعى تفهم إنى لو قولت
مصر هى أمى نيلها هو دمى
شمسها فى سمارى
شكلها فى ملامحى
يبقى انا واحد بـ أطبل
وأقول كلام وأهبل
او بـ أغمز بعينى وأسبل
عشان أرضى المسئولين
طب لو سألتك أنت مصرى
تقولى إيه
انا مصرى أبن مصرى
وأبن مصر الله عليه
انت اخويا وانا اخوك
فيها امك و فيها ابوك
اوعى تنسى إيدين شالوك
أو تنسى أجمل سنين
يا حبيبى
مصر دى منارة
وعزيمة جبارة
ملت الدنيا حضارة
على مر الأزمان
يعنى يا صاحبى فوق
وارفع إيدك لفوق
دا هى الغرام والشوق
لكل العاشقين
طيب
ما شربتش من نيلها
جربت تغنيلها
جربت فى عز ما تحزن
تمشى فى شوارعها وتحكيلها
جربت تبعد وتسيبها
وتدوق الغربة و تعذيبها
هى حسبة لو تحسبها
ما يكفيها ملايين
يكفى اقولك إن
فيها حاجة حلوة
حاجة حلوة منها
حاجة كل ما بتزيد زيادة
فيها إن
فيها طيبة وفيها حب
فيها ود وفيها قرب
فيها أهل وفيها شعب
ناس حقيقى طيبين
طب عارفين
يعنى أيه كلمة وطن
يعنى أرض حدود مكان
ولّا حالة م الشجن
ولّا إيه ولّا إيه ولّا إيه
ولّا عشرة ولّا حنان
ولّا عيشة فيها أمان
ولّا صحبة فى نفس المكان
مع بعض متربين
نصيحة
خدوا بالكوا دى مصر المنصورة
مش أيها مصر
نيلها اللى بيطلع فى الصورة
بعلامة النصر
خدوا بالكوا يا ناس من اعداءها
مش كل كلمة نصدقها
فيه خلق مناها تغرقها
أشرار. أوساخ. ملاعين
لكن إحنا
مليون دقة فى دقةقلبك قلب المصرين
العشاق إحنا والعاشقة
مصر اللى ولادها ملاين
نفديكى يا بلادى بأرواحنا
ولا حد ياخد مطرحنا
وإيمانا عزيمة وسلاحنا
وولادك دايماً فدائين
و وعد
تحيا مصر تحيا
و عيونها تملى صاحية
وعيونها فى كل ناحية
فى مليون إتجاه
تحيا مصر حرة
تحيا الف مرة
تحيا مهما يجرى
لنهاية الحياة
تعليق واحد على “من أجمل ما كتبوا عنها ميكس حب”
تحياتي و تقديري واحترامي